FESTIVALNATT MED REAL ONES !
Årets happening i vest er festivalnatta på Teaterfestivalen med mini matfestival, musikalske overraskingar og dans !
![event image](https://tuploads.s3.eu-west-1.amazonaws.com/production/uploads/event/image/627941/default_file-1718916331.jpeg)
Laurdagskvelden inviterer vi til ein magisk kveld i klokkargarden ! Legendane i bergensbandet Real Ones toppar kvelden, som ellers vert fylt med eit nytt og spennande street food- konsept, der publikum kan kjøpe matbillett og få unik lokalmat med smak av heile verda ! Det vert stort bål, spenannde musikalske overraskingar - og sjølvsagt dans ! Dette vert ein kombo av tradisjonell løefest og velprodusert stadion-festival og vi håper absolutt heile bygda kjem!
Real Ones er kjent for mange fjalerbuarar- mellom anna spelte dei ein av dei fyrste konsertane sine på Gjesten i Dale på 90-talet. I tre tiår har dei imponert presse og publikum som eit av dei mest originale banda i Noreg - og definitivt eit av dei beste livebanda vi har i sin sjanger. Dei har spelt konsertar på alle kontinent. I fjor kom det kritikarroste albumet “Love Your Mother”, med ein tittellåt tilegna gruvemotstandarane i Vevring. No jobbar dei med sitt fjortande album - og det er visst berre å gle seg til det kjem ! Kanskje slepp dei nokre nye låtar fra scena i Klokkargarden ?
”Real Ones har lenge vært Norges isærklasse beste liveband. Kanskje er de Norges beste band, punktum.”– (Sven Ove Bakke, Dagbladet)
Mini matfestival ! På festivalnatta i Klokkargarden kan du og få smake heilt unik mat. Saman med kompetansesenterert for Lokalmat Vest og kokken Nils - Henning Nesje frå Mat med Hjerte - vil vi teste ut eit konsept der publikum kan få smake ein meny - med smakar frå heile verda - basert på lokale råvarer. Produsentane bak kjem frå heile fylket til Klokkargarden denne kvelden for å bidra til gildet, og maten vert laga på staden- Maten vert presentert undervegs i programmet. Publikum kjøpet ein matbillett på førehand og vil få servert ulike rettar undervegs.
Området opner kl. 21.00. Medverkande: Real Ones, lokale musikarar, Havbrusen, Dekor m.fl.